According to Jim
باين في حد تاني أخد باله من كويست من سنة و كتب عنها. أعتقد إنه موضح الأمور أحسن مني.
Saturday, June 12, 2010
Wednesday, June 9, 2010
بداية الموضوع
ده أول بلوج أنا أعمله و السبب ليه هو إني مش واثق في أجهزة الدولة تعمل شغلها و تحل الموضوع ده لوحدها.
أنا من مدة جه في سكتي كلام عن "مشروع" بيكسب فلوس كتير و مش محتاج مجهود و إتقاللي إن كل اللي علية إنني أقابل حد في مطعم و هو هيشرحلي إيه النظام و إزاي الموضوع ده بيشتغل.
الكلام ده طبعاً جالي من حد معرفة فمفكرتش في الموضوع كتير ورحت. في المطعم قابلني المندوب المكلف بتعريفي على المشروع ده و مسك ورقة وقلم و إبتدى يشرح. طبعاً مش نفس المندوب بيجي لكل شخص.
بعد حوالي ساعة من الشرح كملت الصورة: ال"مشروع" طلع عملية تسويق هرمي مشترك فيها عدد كبير من الناس عن عدم فهم أو عدم إهتمام. في البداية المندوب بيشرحلك إن الطرق المعتادة للمكسب بطيئة و خطرة و تتطلب رأس مال كبير و بعد كده بيشرح إن المشروع اللي بيعرضه عليك مفهوش حاجة من الأخطار ديه و إنه مكسبه مضمون وسريع و من هنا بيبدأ يتكلم عن نظام في التسويق إسمه التسوبق متعدد المستويات أو التسويق الشبكي و ده بيعتمد على مجموعة من المندوبين إللي بيعملوا دعاية لأي منتج لمعارفهم و بالتالي المنتجين للمنتج ده بيوفروا فلوس الدعاية و بالتالي يقدروا يبيعوا منتجاتهم بأسعار أقل و بالتالي الكل بيكسب. النظام ده سليم و بعض الشركات فعلاً بتعمل بيه بس ف حالة المشروع ده القصة ديه ده مجرد الواجهة. المندوب بعد كده بيكمل ويقول إن عشان تشترك في المشروع مطلوب منك تلات حاجات:
1-تدخل معك إتنين تانيين (و دول يدخلوا كل واحد فيهم إتنتين وهكذا...)
2-تشتري واحد من كذا منتج (بحجة إنك لازم تبقى عارف إيه اللي إنتى بتعمله دعاية عن طريق خبرتك الشخصية) وكل المنتجات المعروضة عليك في الشرط ده سعرها في الالافات و كذا واحد منها بتدعي إنها ليها تأثير كويس على صحة المستخدم بطرق لم يتم إثباتها علمياً. كل المنتجات المعروضة في المرحلة ديه غالية و ملهاش قيمة يعني سرقة بس بشياكة.
3-بعد تنفيذ أول شرطين بتسجل إسمك على ويبسايت و تبتدي تكسب أكتر و أكتر كل مالناس إللي إنت دخلتهم يدخلوا ناس أكتر.
لو إنت عندك دراية بالتاريخ أو الحساب أو القانون هتفهم عند النقطة ديه إن الموضوع ده نصب.
النظام اللي بيعتمد عليه الموضوع ده ماينفعش يستمر لأن عاجلاً أو اّجلاً المجتمع هيوصل لمرحلة التشبع و عند المرحلة ديه هيبقى فيه عدد كبير من الناس اللي إشتركوا تحت إفتراض إنهم هيجيبوا ناس معاهم ويكسبوا فلوس بس مش هايبقى متبقي ناس كفاية يدخلوهم. فبعد مايدفعوا فلوس الإشتراك (الكام ألف) هيتدبسوا أو -بمعنى أصح- هيتخزوؤا.
أنا واخد بالي من إن ممكن الكلام ده مايبقاش مفهوم لكل الناس اللي هيقروه وعشان كده أنا أقترح عليك (القارئ) لو عايز تعرف أكتر تقرى.
صفحة التسويق الهرمي على ويكيبيديا (للأسف مش مترجمة بالعربي)
أمثلة تاريخية
و لو إنت أخدت بالك من الخطر ده لوحدك أو عن طريق البلوج ده عرف معارفك بالقصة علشان مايقعوش فيها و لو إنت واحد من الناس إللي إتعرض عليهم الإشتراك في عملية النصب ديه بلغ الجهة المسئولة لو تقدر.
لو إنت عندك أي إقراحات للبلوج ده إبعتلي على
quest.netisascam@gmail.com
أنا من مدة جه في سكتي كلام عن "مشروع" بيكسب فلوس كتير و مش محتاج مجهود و إتقاللي إن كل اللي علية إنني أقابل حد في مطعم و هو هيشرحلي إيه النظام و إزاي الموضوع ده بيشتغل.
الكلام ده طبعاً جالي من حد معرفة فمفكرتش في الموضوع كتير ورحت. في المطعم قابلني المندوب المكلف بتعريفي على المشروع ده و مسك ورقة وقلم و إبتدى يشرح. طبعاً مش نفس المندوب بيجي لكل شخص.
بعد حوالي ساعة من الشرح كملت الصورة: ال"مشروع" طلع عملية تسويق هرمي مشترك فيها عدد كبير من الناس عن عدم فهم أو عدم إهتمام. في البداية المندوب بيشرحلك إن الطرق المعتادة للمكسب بطيئة و خطرة و تتطلب رأس مال كبير و بعد كده بيشرح إن المشروع اللي بيعرضه عليك مفهوش حاجة من الأخطار ديه و إنه مكسبه مضمون وسريع و من هنا بيبدأ يتكلم عن نظام في التسويق إسمه التسوبق متعدد المستويات أو التسويق الشبكي و ده بيعتمد على مجموعة من المندوبين إللي بيعملوا دعاية لأي منتج لمعارفهم و بالتالي المنتجين للمنتج ده بيوفروا فلوس الدعاية و بالتالي يقدروا يبيعوا منتجاتهم بأسعار أقل و بالتالي الكل بيكسب. النظام ده سليم و بعض الشركات فعلاً بتعمل بيه بس ف حالة المشروع ده القصة ديه ده مجرد الواجهة. المندوب بعد كده بيكمل ويقول إن عشان تشترك في المشروع مطلوب منك تلات حاجات:
1-تدخل معك إتنين تانيين (و دول يدخلوا كل واحد فيهم إتنتين وهكذا...)
2-تشتري واحد من كذا منتج (بحجة إنك لازم تبقى عارف إيه اللي إنتى بتعمله دعاية عن طريق خبرتك الشخصية) وكل المنتجات المعروضة عليك في الشرط ده سعرها في الالافات و كذا واحد منها بتدعي إنها ليها تأثير كويس على صحة المستخدم بطرق لم يتم إثباتها علمياً. كل المنتجات المعروضة في المرحلة ديه غالية و ملهاش قيمة يعني سرقة بس بشياكة.
3-بعد تنفيذ أول شرطين بتسجل إسمك على ويبسايت و تبتدي تكسب أكتر و أكتر كل مالناس إللي إنت دخلتهم يدخلوا ناس أكتر.
لو إنت عندك دراية بالتاريخ أو الحساب أو القانون هتفهم عند النقطة ديه إن الموضوع ده نصب.
النظام اللي بيعتمد عليه الموضوع ده ماينفعش يستمر لأن عاجلاً أو اّجلاً المجتمع هيوصل لمرحلة التشبع و عند المرحلة ديه هيبقى فيه عدد كبير من الناس اللي إشتركوا تحت إفتراض إنهم هيجيبوا ناس معاهم ويكسبوا فلوس بس مش هايبقى متبقي ناس كفاية يدخلوهم. فبعد مايدفعوا فلوس الإشتراك (الكام ألف) هيتدبسوا أو -بمعنى أصح- هيتخزوؤا.
أنا واخد بالي من إن ممكن الكلام ده مايبقاش مفهوم لكل الناس اللي هيقروه وعشان كده أنا أقترح عليك (القارئ) لو عايز تعرف أكتر تقرى.
صفحة التسويق الهرمي على ويكيبيديا (للأسف مش مترجمة بالعربي)
أمثلة تاريخية
و لو إنت أخدت بالك من الخطر ده لوحدك أو عن طريق البلوج ده عرف معارفك بالقصة علشان مايقعوش فيها و لو إنت واحد من الناس إللي إتعرض عليهم الإشتراك في عملية النصب ديه بلغ الجهة المسئولة لو تقدر.
لو إنت عندك أي إقراحات للبلوج ده إبعتلي على
quest.netisascam@gmail.com
Subscribe to:
Posts (Atom)